موضوع شغل بالي كتير , كنز احنا مش مستغلينه كويس, حاجة حقيقية بس احنا مش واخدين بالنا منها , دلوقتى الاهلوية بيقولوا انهم 60 مليون اهلاوي , ومصدقين نفسهم , مع انهم السنة اللى فاتت كانوا بيقولوا 50 مليون , يعنى تقولش يا خي ان عيال مصر اللى اتولدت كلها نازلة بطون امهاتهم محمرين؟ ما علينا , خليهم يصدقوا اوهامهم , وخليناا احنا فى موضوعنا, هنقول ان مصر فيها 30 مليون زملكاوي على الاقل , ومعرف طبعا (ولازم تنتشر) ان معظم الدول العربية اهلها بيشجعوا الزمالك , من سوريا والاردن والعراق والسودان ودول الخليج , يبقى جمهور الزمالك فى ربوع الوطن العربي يزيد عن 100 مليون مشجع زملكاوي بكتير , بس احنا بتواضع هنقول 100 مليون مشجع زملكاوي , مش مهم مصري او عربى , المهم انه بيشجع الزمالك , وعشان تقتنعوا اكتر شوفوا الزمالك دة لو لعب فى دولة عربية بيستقبلوه ازاى , والاهلى لو لعب هناك بيعملوا فيه ايه ( والهلال السودانى خير دليل )
ايه رايكوا يبقى شعارنا 100 مليون زملكاوي وننشرها وهتبقى صدق , زى ما هما بينشروا اكاذيبهم .